90's vision will revisit so soon.
×
[PR]上記の広告は3ヶ月以上新規記事投稿のないブログに表示されています。新しい記事を書く事で広告が消えます。
80年代經典樂隊多如星數,Queensryche無可否認一定係音樂性同埋思維上影響我最深,唔係佢地,我而家同一般只識喊打喊殺既無腦邊緣/頹廢青年無咩分別,亦唔會有而家今時今日咁既劇變;但精神上,影響我最深既,一定係Skid Row.
Skid Row呢一隊band雖然係出碟唔多,得3隻正式大碟,不過佢係云云眾多80's 主流Hair metal之中,極少數進入90年代仲可以更加aggressive既一隊之一;我最佩服既,係佢地91年隻"Slave to the Grind",不但繼承左80年代重金屬l既melody,最重要既,係佢地消化左當時Machine Head, Pantera等玩groove,節奏感極重既新派曲風,加上自己原本為hair metal果種"街頭金屬"既風格,形成一種獨樹一格,既富有新派金屬之攻擊性又同時保留80年代優良傳統既新樂風.我係覺得,Skid Row果時呢一種更加aggressive既曲風其實係一個新既創作出路,而當時亦有唔少既樂隊都去嘗試(Warrant, Winger, Europe, Icon, Accept.... etc etc)只可惜,時間唔容許佢地變,加上當時grunge既熱潮真係勁到不得了,幾乎冇人唔聽Nirvana, Peral Jam, Sonic Youth, Smashing Pumpkins等等grunge既leader band,係Krut Cobain死左之後更加全世界都係grunge既天下,"Slave To The Grind"果一種原本可以打救成個mainstream既新風格,就咁無聲無息地胎死腹中.....
而Skid Row作既曲,亦都係咁多隊之中我感受最深既一隊,尤其係呢一首"18 and life",係真係無論我何年何月再聽返,都會有果一種共鳴-----一種身為草根地底泥既metalhead同rocker既果種為理想痛苦地付出既艱辛;果種無人會明白,有苦自己知既辛酸;果種搵唔到知已/知音,長期孤軍作戰既寂寞;果種無悔燃燒青春既衝勁.....呢一切一切,若果你唔係有相當經歷,又底者身處其中,點會感受得到?80年代既樂隊,就係大部份成員都係出身自中下,甚至係低下階層,佢地就係明白到有好多野唔係咁簡單,唔係咁容易得到,係切身體會到咩野叫做捱,咩野叫做三餐不繼,佢地就將佢地既經歷係作品果度抒發出黎,希望聽既人會感受到...
我唔係話現代音樂完全唔掂,我絕對無咁既意思;相對比以前,而家既音樂類型,的確係多左好多,好多類型既創作內容甚至更勝從前變得更加pro,例如係描述人既精神狀態及內心描繪既歌詞,而家係已經去到另一個層次;亦都由於科技既進步,音樂既表現更加豐富,編排更加嚴謹,更加有深度......不過,始終而家戰爭離我地發達國家好遠,生活亦比以前大有改進,70/80年代果種描繪少年時代刻苦生活既歌曲,已經唔多,甚至絕無謹有...
Tough,始終都係要八十年代先搵到.
p.s. "18 and Life"入面演Ricky果個,真名係叫Patrick Sullivan,係一隊叫Forgotten Child既band入面既主音,indie時代同Skid Row關係好好,係Skid Row上左地面之後,帶挈左佢地拍"18 and Life"既video成名.(片入面演佢既fd都係Forgotten Child既結他手,不過搵唔到資料叫咩名.)
PR
ＣＯＭＭＥＮＴ