90's vision will revisit so soon.
×
[PR]上記の広告は3ヶ月以上新規記事投稿のないブログに表示されています。新しい記事を書く事で広告が消えます。
The Wrestler (2008)
超撚正!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!(所以,要用返廣東話去寫,唔係好難表達我對呢套戲既興奮)
有咩野,係興奮得過可以見到一眾吾輩80年代既英雄逐一逐一重出江湖?上年喜見布斯偉利斯,史泰龍等再度出山,將80年代孤身英雄既精神再一次發揚光大(而家仲爭我最鐘意既米路吉遜----轟天炮系列!!);而今日,米奇洛基呢一套The Wrestler,再一次堅定地話俾我地呢D生於80's既後生聽:80's精神不死!!!
不過,可能好多人都未聽過米奇洛基(Mickey Rourke)到底係何許人士,其實呀米奇哥大有來頭,83年同麥狄龍(Matt Dillon)拍既果套超級經典"鬥魚"(Rumble Fish,小弟之後會寫)同85年同尊龍拍既果套"龍年"(Year of The Dragon)令佢紅極一時,只係一步入90年代佢去左打boxing,加上rock友性格(well,你同我都知係咩),人緣不佳,所以去到後期先冇咩人識...
故事講述80年代,外號怒衝公羊(The Ram)的摔角手蘭迪(米奇洛基飾)曾經叱吒一時,創下無數光輝的榮譽;但隨著時光飛逝,蘭迪漸漸的被人遺忘,20年後的今天,他也只能在當地的一些地下的小型表演來維持生計,勉強算是夠自己生活.蘭迪自己感情一片空白,他的生活動力全來自在擂台上的表演及支持者的歡呼,沒有了自己的理想,加上與自己的女兒感情疏離,蘭迪猶如一坐死火山一樣每天過著行屍走肉的生活.....而後來在一次表演後發現自己患上心臟病,蘭迪被迫退休,生活更加難過的他開始反省,想再重過新生活:先與女兒修好,也開始追求他一路以來的脫衣舞女舊相好.不過,事與願違,一次和女兒的失約令她永遠不想再見這個爸爸,舊相好也拒絕了他的追求......他最後發現,自己無論身心都已經跟摔角擂台結下了不解緣,內心極度強烈重返摔角界,而在一次友人的穿針引線下,他得知當年的死敵想再搞一場20週年的重賽,蘭迪不理會自己隨時失去生命的危險,決定再一次復出重返擂台......
呢套係一套典型既英雄暮遲的熱血片,亦係我最最最鐘意睇既一類型.男人,就係要咁樣,先至叫男人!你叫一個男人無夢想,拋棄夢想,你倒不如叫佢死左去!
仲有此片極度大量80's metal配樂,Guns N' Roses, Firehouse, Accept, Ratt......多到不能盡錄,令人一聽更加熱血沸騰!
原本仲想再講,不過我覺得,與其我係度講,不如真係去親身睇下,感受下果種80's 熱血同激情!!!
p.s. 我而家終於明白辛潘會係拎獎果陣提起米奇.
PR
ＣＯＭＭＥＮＴ