Headlines

 免費音樂雜誌係未有re:spect之前,其實係坊間都有好幾本,數到最耐歷史,應該係我呢本中學時代已經有得拎之老字號Headlines.(其實,本野已經有22年歷史,見盡音樂工業既黃金歲月及冰河時期.)

鐘意睇headlines既原因,真係好多:專題夠獨到,寫野夠老練,同埋報導既news,都同音樂有關(例如Virgin既專門店Virgin Megastore係美國全線收皮等),呢樣野,係其他同類型雜誌之中最缺乏,因為我見過好多雜誌講音樂,但講極都只係講到外表週邊product accessories,叫人點著衫點買呢樣果樣,但音樂既本質---例如:點解首歌會咁作?CD封面點解會咁設計?既講解就欠奉,咁唔怪之得賣band tee,賣headphone既生意就好(雖然比起其他,都係屬吊鹽水.),反而賣CD賣vinyl既就叫苦連天.唉,本末倒置.

不過,headlines雖然多topics有水準,但終究大部份既topic都係寫mainstream,而rock / metal野始終唔係佢地果瓣,做research果陣都會搞錯---好似今期咁,有一段野佢地居然冇check清楚就咁出街:

"叫得Girls的組合理所當然是女子組合,例如有Girls Aloud. 但搖滾界的Girlschool和Girls皆是全男牌."

(人皆有錯,一次半次,算啦.真係鬼叫佢地寫既野好好.)

好在而家Matto Lau係re:pect果度終於有得死(整)返幾頁可以講下metal,有心既朋友,不妨鴿鴿,因為始終行內人士寫既野,遠比一個已經退左役既我更加貼切,到題.我其實只係呢度班門面前玩下斧頭仔者.

但香港既音樂雜誌,會唔會又會好似音樂一週同MCB咁慘淡收場呢.......?

希望唔會.